50k weils mi aufregt ;)

2

Achtung:
Wer mit Ironie ned klarkimd oder koan Spaß versteht, einfach weiterscrollen.

I hobs so satt, ständig diese weichgespülte Scheiße!!!
I seg überall sched no alles wohl portioniert und vorgekaut um möglichst schnell und viel vo allem zu konsumieren.

De ganzen Fitnesshipster im Studio, de daher kemand, als hättens an Elton John sein Kleiderschrank ausgrammt und as Iphone beim Training doppelt so lang in da Brazn hoidn wia a Langhantel oder a Klimmzugstang.

I wui wieder ausse geh, mi dreckig mocha und mid bluadvoschmierde Knia vor da Hausdia an Schlissl aussazidan, weil e so im Arsch bin, da e kam steh kann.

Owa heidzudogs wird Marathon af da Autorennstreck glaffa, Hobbytriathleten tüfteln im Windkanal an da optimalen Sitzposi fia d’12000€ Plaste-Zeitformaschin.
Koana schwitzt mehr, jeder bewegt se nur no in de, vo der vierteljährlich stattfindenden Leistungsanalyse vorgemna Bereiche.
Ja ned überzuing, ja nix riskiern.

Ja hallo, man wui ja de wertvolle Zeit schließlich optimal nutzen. z.B.fia anspruchsvolle Lets Dance Abende oder a bissl Germanys Next Top Ische.

Af des affe hob e festgstellt, das heid da oanzige Dog in da Woch is, andem i an „Langa“ higriag.
Na han a ma ernährungsmedizinisch wertvoll an Erdnussbutterriegel und zwoa Fruchtmus mid vui zweng Dringa midgnumma und bin a weng zum renna ganga.

D‘ Sun hod me afbrennt, unterm gloan Arber san meine Fiass batschnoß und eiskoid gwen vom Schnee, unterm Schwoarzeck hods me so gewaltig eineloussn, dase hou voller Dreck war und han ma dabei as Knia afgschlong.
Wai i so daflädert af da Kötztinger Hittn afglaffa bin und zwoa Alkoholfreie af Ex oweblescht hon, weil e so dermaßen ausdriggad war, hams me ogschaud wia an Außerirdischen und i han sched glocht.

De letzten 8km hoam und überglücklich mid zitternde Händ vor der Hausdia gstanden

Share.

About Author

2 Kommentare

  1. Jawoll des loue ma eigeh! Des san worte vo an Sportler der sein Sport wirkle lebt! Respekt und a sauwas merce dafir! Mach bittschön so weida des daugt ma voll wia du des machst‍♂️

Leave A Reply